Gazeta Si – Tre të rinj janë vënë në pranga pasi u kapën në Dhërmi duke shitur lëndë narkotike gjatë një koncerti të organizuar në këtë fshat turistik në Jug të vendit, por dhe në aktivitete të tjera festive.
Sipas policisë, 3 të arrestuarit E. H. 30 vjeç, Xh. B. 27 vjeç dhe K. H. 19 vjeç ua shisnin kryesisht turistëve të huaj.
Në dhomën e tyre të hotelit u gjetën 750 doza kanabisi dhe 800 doza kokaine gati për shitje, 1 peshore elektronike për peshimin e dozave dhe një shumë parash të përfituar nga shitja e tyre.
Nga veprimet hetimore dyshohet se këta 3 shtetas, në bashkëpunim me njëri-tjetrin, shpërndanin doza kanabisi dhe kokaine, kryesisht për turistët apo pushuesit e tjerë, në lokalet e natës dhe në aktivitetet e ndryshme të argëtimit që zhvillohen në bregdet, gjatë sezonit turistik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
