.png)
Gazeta Si – Një person është vënë në pranga në Krujë dhe një tjetër është shpallur në kërkim, pasi akuzohet për kultivim të lëndëve narkotike.
Në fazën e 24-t e megaoperacionit policor antikanabis të koduar “Territor i pastër” është bërë I mundur asgjësimi i 304 bimë narkotike kanabis, që u gjetën të kultivuara në lagjen Micjon, Borizanë.
Më parë, në kuadër të këtij operacioni, janë gjetur dhe asgjësuar 12 663 bimë narkotike kanabis. Shërbimet e Komisariatit të Policisë Krujë kanë vijuar intensivisht kontrollet në fshatra të ndryshme të rrethit, me qëllim parandalimin dhe goditjen që në fazë fillestare, të tentativave për të kultivuar bimë narkotike.
Si rezultat i kontrolleve të ushtruara në kuadër të fazës së 24-t të megaoperacionit policor antikanabis të koduar “Territor i pastër”, në lagjen Micjon, në fshatin Borizanë, u gjetën të kultivuara 304 bimë të dyshuara narkotike cannabis sativa, të cilat u asgjësuan me anë të djegies.
Ndërkohë mësohet se në kuadër të këtij operacioni ëstë vënë në pranga një 60 vjeçar dhe është shpallur në kërkim bashkëpunëtori i tij, një 49 vjeçar, të dy banues në Borizanë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
