.png)
Nga Gazeta ‘SI’ – Në një dokument të Politikave Prioritare 2026-2028, qeveria ka listuar të gjithë projektet me Rëndësi Kombëtare, kryesisht infrastrukturore.
Në listë janë 134 investime të mëdha që ndahen sipas nivelit të prioritetit që kanë në A, B dhe C, si dhe të ndara në kategori, të maturuar, pjesërisht të maturuar dhe të pamaturuar.
Projektet e matuarara, konsiderohen kur projekti është në fazë të avancuar të përpilimit të dokumenteve teknike.
Me këtë status janë 52 projekte me një vlerë totale prej rreth 5 miliardë eurosh.
Konkretisht, disa nga projekte më të rëndësishme që lista përmban projektin e rehabilitimit të rrugës Fier–Kthesa e Patosit–Frataj me vlerë 40 milionë euro. Ndërtimin e bypass-it të Sarandës me vlerë 34 milionë euro, Ndërtimin e aksit rrugor Elbasan–Lekaj, Korridori VIII me vlerë 60 milionë euro. Programi infrastrukturor – përmirësimi i lidhjes rajonale me vlerë 195 milionë euro. Ndërtimi i bypass-it Tiranë me vlerë 223 milionë euro. Korridori Adriatiko- Jonian – Segmenti Milot –Balldren me vlerë 213 milionë euro; Zgjerimi i autostradës Tiranë–Durrës me vlerë 298.8 milionë euro.Ndërtimi i rrugës Tiranë–Ndroq–Plepa me vlerë 87 milionë euro. Ndërtimi i bypass-it të Elbasanit me vlerë 240 milionë euro.
Po ashtu, ndër projektet prioritare të maturuara tashmë janë dhe ato hekurudhore, ku përfshihen Rehabilitimi i linjës hekurudhore Durrës– Rrogozhinë me vlera afro 123 milionë euro; ndërtimi i linjës hekurudhore “Terminali i Transportit Publik ish-Stacioni i Trenit (4km) si zgjatim i linjës hekurudhore Durrës–Tiranë me vlerë 16 milionë euro; Elektrifikimi i linjës hekurudhore Tiranë–Durrës dhe lidhja me Aeroportin e Rinasit 27.5 milionë euro; Elektrifikimi i linjës hekurudhore Vorë–Hani i Hoti afro 60 milionë euro si dhe Rehabilitimi i hekurudhës Vorë– Hani Hotit me vlerë 313 milionë euro.
Lista përmban dhe projekte të tjera prioritare nga energjia, teknologjia, shëndetësia, kultura, drejtësia etj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
