Nga Gazeta ‘SI’ –Qeveria ka miratuar ndërtimin e tre parqeve të reja të prodhimit të energjisë nga era me një kapacitet prodhimi 3 megavat. Të treja projektet do të ndërtohen në Tragjas, Vlorë me një afat për të qenë funksionale brenda 3 vitesh.
Projekti i vetëm që qeveria kishte miratuar për prodhimin e energjisë nga era është ai i Lezhës, i cili është në fazën e zgjedhjes se investitorit, pranë ministrisë së Energjisë.
Edhe zhvilluesit e energjive eolike, njësoj ai ato fotovoltaike, “i detyrohen” qeverisë 2% të prodhimit vjetor energjetik, si energji ose në formë monetare.
2 vjet më parë Enti Rregulaltor i Energjisë rishikoi licencat e dhëna para një dekade, duke vendosur revokimin e 3 prej tyre dhe rinovimin për 3 licenca të tjera. Gjithsesi, kompanitë mbajtëse të tyre, ende nuk kanë finalizuar ndërtimin e parqeve eolike, ndërkohë që edhe një ankand i hapur nga MIE është ende në fazë zhvillimi.
Energjia me burim erën nuk është ende prezente në Shqipëri. Ajo fotovoltaike ka dominuar tregun, duke pasur parasysh edhe lehtësirat teknike apo natyrore të këtij sistemi. Gjithsesi, edhe energjia e diellit nuk zë ende hapësirën e pritshme në totalin e energjisë që prodhohet më vend.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
