Qeveria do të aplikojë garancinë sovrane për herë të tretë për krijimin e rezervave

15:16 - 27 Maj 2022

Qeveria shqiptare do të aplikojë për herë të tretë garancinë sovrane për bizneset, pas dy herëve të tjera gjatë pandemisë.

Këtë herë garancia sovrane me vlerë 3 miliardë lekë, që këtë herë është i destinuar për bizneset importuese të produkteve ushqimore me qëllim krijimin e rezervës së sigurisë.

Ky instrument u heq bizneseve pengesën e një kolaterali, për të cilën garantor bëhet shteti.

Në fillim të këtij viti, ministria e Financave pati paralajmëruar se instrumenti i garancisë shtetërore do të përdoret për sektorin e bujqësisë, manifakturës dhe turizmit.

Garancia e parë ishte në masën 11 miliardë lekë dhe u adresohej bizneseve që të paguanin pagat për 3 muaj në periudhën e karantinës. Garancia e dytë ishte në vlerë 15 miliardë lekë dhe aplikohej për të gjithë bizneset me synim pasjen e likuiditetit të nevojshëm për të vijuar projektet dhe investimet.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.