Tre adoleshentë të armatosur me kallashnikov dhe që qëllonin me armë zjarri në ajër, janë arrestuar në Durrës. Banorët e zonës së Katundit në Sukth të Durrësit njoftuan policinë për të shtënat me armë.
Si pasojë, u arrestuan, K.B., 17 vjeç dhe G.P., 18 vjeç, ndërsa në gjendje të lirë u procedua një 16-vjeçar. Kallashnikovin e mbante në duart 17-vjeçari K.B., armë me të cilën adoleshentët qëllonin në ajër.
Në momentin e arrestimit, 17-vjeçarit i është gjetur arma e zjarrit tit kallashnikov, ndërsa në banesat e të dyshuarve policia ka gjetur një armë sportive pistoletë, një maskë e zezë dhe një shkop metalik.
Tre adoleshentët do të hetohen për veprat penale “Mbajtja pa leje e armëve luftarake dhe e municionit” dhe “Prishja e rendit dhe e qetësisë publike”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
