Një konflikt mes të rinjve ka degjeneruar në përdorimin e armëve të zjarrit, por fatmirësisht pa viktima.
Ngjarja ka ndodhur në fshatin Akërni të Vlorës, ku një prej të rinjve, në konflikt e sipër, ka nxjerrë armën dhe ka qëlluar në ajër për të trembur të tjerët dhe më pas janë larguar.
Policia e Vlorës ka bërë të mundur identifikimin dhe arrestimin e 17-vjeçarit me iniciale V.M., banues në Trivllazër.
Policia thotë se adoleshenti ka qëlluar me pistoletë në ajër për të kanosur 23-vjeçarin E.I., banues në Akërni.
Pasi ka ndodhur ngjarja shtetasi D. Ll, banues në Bishan, ka marrë dhe ka fshehur armën e zjarrit me të cilën shtetasi V.M. ka kanosur shtetasin E.I.
Gjithashtu, u proceduan në gjendje të lirë, shtetasit Dh.M, J.M, V.Ll, dhe R.B,, pasi ka qenë të pranishëm dhe nuk kanë kallëzuar krimin.
Në cilësinë e provës materiale u sekuestrua arma e zjarrit pistoletë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
