Nga Gazeta Si -Policia e Tiranës ka vënë në pranga një 40-vjeçar, pasi është kapur duke qarkulluar me armë zjarri me vete.
Bëhet fjalë për shtetasin Ritvan Xhota, 40 vjeç, banues në Tiranë, për veprën penale “Mbajtja pa leje dhe prodhimi i armëve, armëve shpërthyese dhe i municionit”.
“Bazuar në informacionet e marra në rrugë operative se në bulevardin ‘Bajram Curri’, një shtetas i armatosur po lëvizte me një motomjet, Shërbimet e Forcës së Posaçme ‘Shqiponja’, kanë organizuar punën dhe kanë finalizuar me sukses operacionin policor të koduar ‘Black bag’”, thuhet në njoftimin e policisë.
Gjatë kontrollit të çantës së këtij shtetasi, në bulevardin “Bajram Curri”, shërbimet e Forcës së Posaçme “Shqiponja”, gjetën dhe sekuestruan, në cilësinë e provës materiale, një armë zjarri pistoletë, një krehër dhe municion luftarak.
Materialet i kaluan Prokurorisë, për veprime të mëtejshme procedurale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
