.png)
Nga Gazeta ‘Si’- Presidenti rus Vladimir Putin, në një takim me agjencitë kryesore ndërkombëtare, tha se ishte gati të takohej me Presidentin ukrainas Volodymyr Zelensky, por vetëm në fazën përfundimtare të negociatave për të përfunduar konfliktin.
Por “pyetja është se kush do ta nënshkruajë” marrëveshjen, shtoi kreu i Kremlinit, duke hedhur dyshime mbi legjitimitetin e Zelenskyt, mandati i të cilit skadoi në maj 2024 pa u mbajtur zgjedhje për shkak të ligjit ushtarak.
Putini paralajmëroi gjithashtu Gjermaninë kundër dërgimit të raketave me rreze të gjatë veprimi Taurus në Ukrainë , duke thënë se kjo mund ta fusë atë në një konflikt të drejtpërdrejtë ushtarak me Rusinë, por nuk do të ndihmojë në ndalimin e përparimit rus, tha AP.
Kremlini shpesh ka argumentuar se përfundimi i mandatit të Zelenskyt në 2024-ën, është një problem që pengon arritjen e një marrëveshjeje përfundimtare për paqen. Ukraina e zgjati afatin e ligjit ushtarak deri në 6 Gusht 2025.
Nën ligjin ushtarak, burrat ukrainas të moshave 18-60 vjeç (me disa përjashtime) nuk lejohen të largohen nga vendi pasi mund të thirren në shërbim ushtarak. Ligji ushtarak ndalon ndërkohë institucionet ukrainse që të organizojnë zgjedhje parlamentare apo presidenciale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
