.png)
Në vitin 2015 Frederick “Ben” Hodges parashikoi se Rusia do të fillonte një luftë “pesë deri në gjashtë vitet e ardhshme”. Në atë kohë gjenerali amerikan ishte në krye të forcave të armatosura amerikane në Evropë, pas një karriere të guximshme me ndalesa në Irak dhe Afganistan.
Dhe me të njëjtën qartësi si atëherë, Hodges shpjegon sot pse Vladimir Putin nuk mund të bëjë asgjë më shumë se të sulmojë Ukrainën deri në fund të shkurtit.
Por ish-komandanti i Ushtrisë Amerikane për Evropën tregon gjithashtu në një interviste për “La Repubblica” se pse me ndrojtjen e saj aktuale ndaj Rusisë, Gjermania po luan të gjithë kredibilitetin e saj me aleatët e saj evropianë dhe brenda NATO-s. Lidhja tjetër e dobët në aleancën anti-Putin, argumenton gjenerali, është Italia.
Gjeneral Hodges, a mendoni se do të ketë një pushtim të Ukrainës nga Rusia?
Ju e dini, sigurisht, se Rusia ka pushtuar në fakt Ukrainën që në 2014 dhe nuk është larguar kurrë. Dhe besoj se do të ketë një ofensivë të re, ndoshta deri në fund të shkurtit.
Çfarë ju shtyn të mendoni kështu?
Tre të dhëna. Së pari: Unë nuk shoh asnjë shenjë që Kremlini po përpiqet të tërhiqet ose të zbusë tensionin. Forcat e tij ushtarake në rajon vetëm sa po rriten. Së dyti: Vladimir Putin u vendos në një qoshe dhe për më shumë se një vit ai foli për kërcënimin e tmerrshëm nga NATO-ja, që sigurisht është një përrallë. Ai foli për të aq shumë dhe shpenzoi aq shumë para për të vendosur ushtrinë dhe marinën e tij, saqë tani do t’i duhet të ketë diçka për t’i treguar Moskës, popullit të tij, për të justifikuar të gjithë këtë qëndrim. Dhe deri më tani, me të drejtë, aleatët kanë qëndruar të bashkuar në refuzimin e kërkesave të tij.
Arsyeja e tretë është se ne nuk kemi unanimitet total midis të gjithë aleatëve se si të merremi me çështjen e sanksioneve. Dhe për sa kohë që Kremlini mendon se ka një përçarje midis Shteteve të Bashkuara dhe Gjermanisë apo Italisë, do ta inkurajojë atë të bëjë më shumë.
Merkel ndaloi përpjekjen e George W. Bush për të zgjeruar NATO-n për të përfshirë Gjeorgjinë në 2008. Ajo e kuptoi se Putini e konsideronte Gjeorgjinë ose Ukrainën shumë afër vendit të tij për ta lejuar atë të bashkohet me NATO-n dhe të instalojë raketa perëndimore atje. A është kaq e gabuar të mendosh se duhet të shmangim zgjerimin e NATO-s deri në kufirin rus?
Atëherë ne duhet të nxjerrim Estoninë, Letoninë dhe Lituaninë dhe Norvegjinë nga Aleanca, ata gjithashtu kufizohen me Rusinë. Sigurisht, pyetja juaj është e rëndësishme. Por unë do të mendoja ndryshe. Pse duhet të lejojmë Rusinë t’u diktojë të tjerëve, apo kombeve sovrane se si duhet vepruar. Nuk jemi në shekullin e tetëmbëdhjetë, ku Rusia, Prusia dhe Austria ndanë botën. Dhe pyetja tjetër është: pse çdo vend që dikur ishte pjesë e Bashkimit Sovjetik ose Perandorisë Ruse, kanë kaq shumë dëshirë të largohen? A kërkuan të anëtarësoheshin në NATO dhe BE sa më shpejt që të mundnin? Sigurisht, që do të ishte një vendim i madh nëse Aleanca vendos të pranojë Ukrainën ose të pranojë Gjeorgjinë dhe kjo mendoj se nuk do të ndodhë nesër. Por vendimi i takon ekskluzivisht NATO-s dhe atyre vendeve.
Ju përmendët Italinë dhe Gjermaninë. Pse jeni të shqetësuar për qëndrimin e tyre?
Le të marrim Gjermaninë, rastin që unë e di më së miri dhe në veçanti vendimin gjerman për të mos furnizuar me armë Ukrainën. Partnerët evropianë dhe atlantikë kam frikë se kanë filluar të lodhen nga qëndrimi i Berlinit. Nuk furnizon me armë një zonë lufte”, por ai nuk e ka problem t’i shesë shumë armë Egjiptit. Besoj se Gjermania po luan seriozisht besueshmërinë e saj. Dua të them se është një vend që ka fituar shumë autoritet moral falë gjithçkaje që ka bërë në vitet e pasluftës. Por ky autoritet moral rrezikon të gërryhet nga kjo mospërputhje. Gjermania duhet të tregojë lidership, ndjenjë përgjegjësie, Evropa dhe NATO-ja kanë nevojë për të. Diplomacia sigurisht duhet të mbizotërojë, por duhet të shoqërohet me një formë fuqie shtrënguese.
Çfarë saktësisht duhet të bëjë?
Gjermania duhet të thotë shumë qartë, pa turp, se ajo që po bën Rusia është e papranueshme. Moska duhet trajtuar si agresore. Gjëja e dytë është se ata duhet të ndryshojnë politikën e tyre të armatimit. Dua të them, njoftimin e madh të dërgimit të 5000 helmetave për Ukrainën ishte qesharake. Besueshmëria e Gjermanisë është në rrezik këtu dhe kjo nuk është gjë e mirë për askënd. Nëse njerëzit nuk e respektojnë Gjermaninë, edhe Evropa vuan.”
Sa e besueshme është hipoteza se Rusia pushton Ukrainën vetëm pjesërisht? Në këtë rast, a do të ndahej Evropa për sanksionet?
“Kjo është një pyetje shumë e rëndësishme dhe kjo është arsyeja pse nuk më pëlqen qasja e parandalimit përmes kërcënimit të ndëshkimit, sepse nëse e bëni, kjo do të thotë se parandalimi ka dështuar. Kur rusët sulmojnë, nuk do të ndodhë me sulme masive në të gjithë Ukrainën. Do të jetë një agresion i kufizuar, ata do të pushtojnë copa të vogla përgjatë bregut të Detit të Zi. Dhe atëherë do të bëhet shumë e vështirë për vendet të bien dakord për sanksionet. Por Shtetet e Bashkuara, për fat të mirë, po ndryshojnë qëndrimin e tyre, po ndërtojnë një parandalim para sulmit, duke siguruar armë dhe duke treguar vendosmëri dhe aksion
Përshtati në shqip: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
