Gazeta Si - Në Europë askush nuk ka hapin e PSV-së. Klubi nga Einhoven është i vetmi në kontinentin e vjetër që ka pikë të plota në kampionat: 11 fitore në 11 ndeshje. Fenerbahçe është dorëzuar së fundi, pas humbjes me Trabzonsporin në kampionatin turk.
Kanë mbetur tashmë vetëm djemtë e trajnerit Bosz, të cilët janë në kërkim të fitoreve të tjera jo vetëm që t’i afrohen titullit, por edhe për të shkruar rekorde të reja në kampionatin holandez.
Në shënjestër të PSV-së është tashmë seria e Ajaksit të van Galit, që në sezonin 1995/96 arriti 12 fitore radhazi nga fillimi i kampionatit. Rekordi absolut është 17 në fakt dhe i përket vetë PSV-së. Ishte sezoni 1987/88, kur Gus Hidink e çoi këtë skuadër në çatinë e Europës, duke fituar Kupën e Kampionëve.
PSV është favorit absolut në ndeshjen e radhës kundër Zvolles, vendi i 8-të në klasifikim. Në ‘Philips Stadion’ flitet për fitore me 3 gola e sipër të shënuar për çdo ndeshje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.