.png)
Një zbulim i rëndësishëm për Mycobacterium tuberculosis (Mtb), organizmi shkaktar për tuberkulozin, tregon arsyen pse tuberkulozi po bëhet gjithnjë e më rezistent.
Studiuesit në Universitetin e Warwick kanë zbuluar se si Mtb përdor një sheqer thelbësor të quajtur trehalose që të mbijetojë dhe të nxisë më tej infeksionin. Studimi ndihmon në zhvillimin e barnave të reja dhe të përmirësuara të tuberkulozit dhe agjentëve diagnostikues në të ardhmen.
Sipas të dhënave trehaloza gjendet brenda murit qelizor të vetë Mtb dhe ka evoluar një strategji për riciklimin dhe ripërdorimin e sheqerit për nxjerrjen e energjisë optimale. Ekspertët kanë shkruar se Mtb përdor një proteinë transporti të quajtur LpqY për marrjen e trehalozës, e cila ka një rol kryesor në zhvillimin e infeksionit. Në mungesë të proteinës LpqY, Mtb nuk mund të marrë më energji nga trehaloza, duke e bërë atë më pak patogjene. Duke përdorur kristalografinë me rreze X, studiuesit përcaktuan strukturën tre-dimensionale të LpqY dhe aftësinë e tij për të njohur dhe lidhur me trehalozën.
“Tani që kemi kuptuar saktësisht se si trehaloza njihet ne do të jemi në gjendje të projektojmë molekula specifike që do të na mundësojnë të vrasim tuberkulozin. Përndryshe, një mundësi tjetër është që ne të mund të përdorim Transportuesi LpqY në avantazhin tonë dhe të gjejmë mënyra për të dhënë përbërës për diagnozën e tuberkulozit”, tha Elizabeth Fullam nga Shkolla e Shkencave të Jetës në Universitetin e Warwick.
Tuberkulozi është një sëmundje e cila shkakton 1.5 milion vdekje në mbarë botën çdo vit dhe për këtë arsye ekspertët thonë se rritja e numrit të rasteve me tuberkulozin që po bëhet gjithnjë e më shumë rezistent ndaj ilaçeve kërkon strategji të reja urgjente për të eliminuar infeksionin.
Burimi: Universiteti Warwick/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje