Kur fëmijët qajnë, prindërit shpesh ndjehen të frikësuar, të irrituar dhe të shqetësuar për të bërë diçka sa më shpejt të jetë e mundur për të ndihmuar fëmijët e tyre të pushojnë së qari. Sidoqoftë, ekspertët pohojnë se nuk duhet të kemi frikë nga lotët e fëmijëve dhe të përqafojmë përfitimet që marrim nga e qara e tyre.
Në rradhë të parë, sipas Genevieve Simperingham, një psikologe e cila drejton “Peaceful Parent Institute” në Zelandën e Re, i cili ofron seminare, trajnime dhe kurse për prindërit dhe prindërimin, e qara çliron tensionin dhe ndjenjat e këqija.
E qara është një mënyrë e natyrshme për të sinjalizuar se diçka nuk është në rregull dhe ndërsa fëmijët rriten, kuptimi i lotëve zgjerohet dhe ata mësohen të zvogëlojnë stresin dhe ndjenjat e këqija.
“Kur jemi të stresuar, trupi lëshon kortizol.” Tha ajo.
Nuk është mirë që fëmijët të kenë këtë hormon pasi bllokon pjesën e trurit që është përgjegjëse për zgjidhjen e problemeve.
Nga ana tjetër, lotët zvogëlojnë një sasi të caktuar të kortizolit pra e bën atë në mënyrë natyrale dhe kështu fëmija ndihet më mirë.
Ndërkohë, ka shumë rregulla dhe kufij që mund të mos i pëlqejnë fëmijëve.
Të gjithë gjitarët prodhojnë lotë gjatë gjithë kohës për t’u siguruar që sytë e tyre nuk thahen dhe në përgjigje të acarimit, por lotët “psikikë”, lloji i prodhuar si pjesë e një përgjigje emocionale që çojnë në të qarë i kanë vetëm njerëzit. Ata madje kanë një përbërje kimike të ndryshme, e cila përfshin leucine-enkephalin, një vrasës i endorfinës dhe dhimbjeve natyrore.
E qara fillon në sistemin limbik, i cili është pjesa e trurit tonë që menaxhon emocionet përmes sistemit nervor autonom dhe kontrollon përgjigjet e pavullnetshme. Ai sistem është i ndarë në dy pjesë: simpatik, i cili prodhon përgjigje agresive dhe parasimpatik, i cili na ndihmon të përpunojmë emocionet.
“E qara shpesh është si një mënyrë e fëmijëve për të fituar diçka që duan apo për të plotësuar një dëshirë dhe lotët arrijnë si pjesë e një përgjigjeje parasimpatike.” thotë Deborah MacNamara eksperte e shkencës së zhvillimit dhe këshilltare klinike.
Pra, në kohën kur një fëmijë po qan, ai ngadalë e pranon se është e kotë të qajë dhe fillon e pranon dhe përshtatesh, shpjegon ajo.
Nga ana tjetër, sipas ekspertëve, lotët rritin zhvillimin shoqëror dhe emocional.
“Lotët shërbejnë si një mjet i rëndësishëm komunikimi, duke lejuar që dikush të tregojë nevojën e tij ose të saj për mbështetje.” tregon psikologu dhe neuroshkencëtari Robert R. Provine.
“Lotët janë një proces ekzokrin dhe është sugjeruar që ato mund të lehtësojnë stresin duke dëbuar kimikate potencialisht të dëmshme të shkaktuara nga stresi.” Sipas biokimistit William H. Frey.
Për më tepër, lotët duket se janë një mënyrë kryesore për individët për të shprehur dhe rregulluar emocione primare si trishtimi, zemërimi, zhgënjimi dhe gëzimi. Në shumicën e rasteve, kur emocioni ndihet, lotët janë përgjigjja fillestare dhe autentike.
Lotët gjithashtu zvogëlojnë dhimbjen
Studiuesit E PubMed Central (PMC), Biblioteka Kombëtare e Mjekësisë në Amerikë zbuluan se e qara çliron oksitocinë dhe endorfinë që do ta bëjnë të voglin tuaj të ndihet më mirë dhe do të zvogëlojë çdo dhimbje fizike dhe emocionale. Kështu që, herën tjetër kur shihni një fëmijë që bie nga një biçikletë dhe përpiqeni t’i bëni ata të ndihen më mirë, mos kërkoni që ata të ndalojnë së qari.
Një studim po nga ‘PubMed Central’ ka treguar se kur fëmijët qajnë, sjellja e tyre përmirësohet.
Ky studim shqyrtoi lidhjen midis reagimeve të prindërve ndaj emocioneve negative të fëmijëve dhe aftësive shoqërore. Për më tepër, u shqyrtua roli i shqetësimit emocional të prindërve në shoqërizimin emocional të fëmijëve. Reagimet emocionale të 57 fëmijëve parashkollorë u vunë re gjatë ndërveprimeve të tyre në lojë të lirë. Prindërit (kryesisht nënat) plotësuan pyetësorët në lidhje me reagimet e tyre ndaj emocioneve negative të fëmijëve.
U zbulua se kur prindërit ndihen të dëshpëruar para një fëmije që po qan, në fakt i përkeqëson gjërat. Fëmijët parashkollorë, prindërit e të cilëve u ndjenë të pasigurt ndaj emocioneve të tyre dhe kishin probleme të menaxhimit të zemërimit. Pavarësisht pse vogëlushët po derdhin lot, atyre u duhet një mjedis i sigurt për të shprehur emocionet e tyre.
Burimet: Peaceful Parent Institute, PubMed Central. Përktheu: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
