.png)
Ai po jeton ëndrrën më të madhe të çdo adoleshenti. Lamin Yamal është fytyra kryesore e EURO 2024 . Jo vetëm për kombëtaren spanjolle, por edhe për të gjithë kompeticionin.
Pak para se të mbushë 17-vjeç, golashënuesi më i ri në historinë e Euro-ve, “fëmija” i Barcelonës, bëri që i gjithë planeti të flasë për golin historik që arriti ndaj Francës në gjysmëfinale. Mbrëmjen e së martës, pasi e dërgoi topin në rrjetën e “gjelave” në minutën e 21-të të ndeshjes, ai vrapoi drejt pankinës së skuadrës së tij duke festuar krah bashkëlojtarëve.
Si pjesë e festës së tij, ai formon me gishta një 3, një 0 dhe një 4 (304). Dhe kjo për një arsye prekëse. Këto janë tre shifrat e fundit të kodit postar të lagjes Rocafonda (08304), një nga lagjet më të varfra në Katalonjë, të cilën e djathta ekstreme VOX e quajti "pleh shumëkulturor".
Nas comemorações de gols, Lamine Yamal faz um "304" com as mãos.
— DataFut (@DataFutebol) July 10, 2024
O significado do 304?
Esse número representa os dígitos finais do código postal do seu bairro, Rocafonda. Que é considerado uma das áreas mais pobres da Catalunha.
Essa área inclusive, já foi classificada como… pic.twitter.com/KWmkN0ICK4
Yamal u rrit në Rocafonda. Pjesa më e madhe e familjes së tij ende jeton atje. Në fakt, jashtë një furre të vogël buke, e drejtuar deri vonë nga kushërinjtë e tij dhe xhaxhai Abdul, është një mural i Yamal i veshur me një fanellë të Barcelonës, i rrethuar nga flamujt e Marokut (vendi i origjinës së babait të tij) të Guinesë Ekuatoriale (nëna e tij) dhe Spanjës, ku ai lindi.
Rocafonda është një nga lagjet më të varfra në zonën e Barcelonës. Sipas INE [instituto nacional de statistica] pothuajse gjysma e familjeve që jetojnë atje janë në ekstrem të varfërisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
