Pse bankat qendrore nuk po sinkronizohen më për rritjen e normave

Bankat qendrore në botë kanë pasur sjellje të ndryshme javën që shkoi, kundër inflacionit.

Banka Qendrore Europiane, rriti normën e interesit përsëri dhe surprizoi tregjet me një parashikim për një inflacion të përkeqësuar.

Kjo pasoi një takim të Rezervës Federale ku banka qendrore vendosi të ndalonte rritjen e normave. Vetëm disa ditë para kësaj, banka qendrore e Kinës uli normat kryesore të kreditimit afatmesëm për të stimuluar ekonominë. Në Japoni, ku inflacioni është mbi objektivin, banka qendrore e ka lënë të pandryshuar politikën e saj shumë të lirshme.

“Marrja e të gjitha këtyre qasjeve të ndryshme së bashku tregon se jo vetëm që duket se ka një divergjencë të re në qasjen e duhur për politikën monetare, por gjithashtu ilustron se ekonomia globale nuk është më e sinkronizuar, por një koleksion i cikleve shumë të ndryshme,” Carsten Brzeski, shefi global i makro në ING Gjermani.

Në Europë, inflacioni ka rënë në zonën e euros, por mbetet shumë i lartë mbi objektivin e BQE. Kështu ndodh edhe në MB, ku Banka e Anglisë pritet të rrisë normat të enjten pas të dhënave shumë të forta të tregut të punës.

Fed, e cila filloi ciklin e saj të ecjes përpara BQE-së, vendosi të bënte një pushim në qershor – por tha se do të kishte edhe dy rritje të tjera të normave më vonë këtë vit, që do të thotë se cikli i saj i ecjes nuk ka përfunduar ende.

Megjithatë, pamja është e ndryshme në Azi. Rimëkëmbja ekonomike e Kinës po ngec, me rënien e kërkesës së brendshme dhe të jashtme, duke i bërë politikëbërësit të rritin masat mbështetëse në një përpjekje për të ringjallur aktivitetin.

Në Japoni – e cila ka luftuar me një mjedis deflacioni për shumë vite – banka qendrore tha se pret që inflacioni të ulet më vonë këtë vit dhe vendosi të mos normalizojë ende politikën.

“Çdo bankë qendrore përpiqet të zgjedhë për ekonominë e saj, e cila padyshim përfshin konsiderata për ndryshimet në kushtet financiare të imponuara nga jashtë”, tha Erik Nielsen, këshilltari kryesor i ekonomisë i grupit në UniCredit.

Ndikimi në tregje

Euro u rrit ë një rekord 15- vjeçar ndaj jenit japonez të premten, pikërisht nga këto vendime që kundërshtojnë njëra-tjetrën.

Në tregun e titujve, yield-i i obligacioneve gjermane 2- vjeçare u rrit përsëri.

Presidentes së BQE-së, Christine Lagarde, iu kërkua gjatë një konference për shtyp të krahasonte vendimin e ekipit të saj për të rritur normat, kundrejt vendimit të Rezervës Federale për të ndaluar.

“Ne nuk po mendojmë të ndalojmë,” tha ajo. “A kemi mbaruar? A e kemi mbaruar udhëtimin? Jo, ne nuk jemi në destinacion” tha ajo, duke treguar të paktën një rritje të mundshme të normës në korrik.

Për disa ekonomistë, është vetëm çështje kohe përpara se BQE të gjendet në një pozicion të ngjashëm me atë të Fed.

“Fed po udhëheq BQE-në sikur ekonomia e SHBA po udhëheq ekonominë e eurozonës me disa të katërtat. Kjo do të thotë se më së voni pas takimit të shtatorit, edhe BQE do të ballafaqohet me debatin për të ndaluar apo jo”, tha Brzeski./CNBC

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.