Austriakët zëvendësuan sot maskat prej cope dhe ato kirurgjikale me maska FFP2, të cilat tani janë të detyrueshme për qytetarët mbi 14 vjeç gjatë përdorimit të transportit, hyrjes në dyqane, zyra dhe klinika. Ata i janë bashkuar francezëve dhe gjermanëve, duke mbajtur maska më specifike për shkak të varianteve të reja të Covid-19.
“Kjo maskë është e nevojshme për varianteve më ngjitëse të koronavirusit”, tha zëdhënësia e ministrisë së shëndetësisë.
Miratimi i kësaj mase të re, e cila nuk është shumë e përhapur në Europë, nuk po shkakton ndonjë debat të madh në Austri, pasi “rregullorja parashikon që maskat të shiten me kosto” (maska FFP2 shitet për vetëm 59 cent).
Qytetarët tani duhet të mbajnë këto maska, të cilat bllokojnë 94% të grimcave, në autobusë, tramvaj, trena dhe metro. Masa zbatohet gjithashtu për supermarketet
Mësuesit dhe nëpunësit civilë që bien në kontakt me publikun duhet gjithashtu të respektojnë masën e re në vendet e tyre të punës. Pavarësisht bllokimit të tretë, i cili hyri në fuqi pas Krishtlindjes dhe është zgjatur të paktën deri më 8 Shkurt, numri i rasteve të reja në Austria nuk po bie. Rastet e reja në një periudhë 24 orëshe janë rreth 130 për 100,000 banorë
Shkollat, muzetë, sallat sportive, kinematë dhe dyqanet që nuk shesin produktet të domosdoshme mbeten të mbyllura dhe banorëve u kërkohet të minimizojnë kontaktet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
