Në Himarë ka nisur protesta për lirimin e tij duke e cilësuar burgimin e tij si politik, por Fredi Beleri ka folur pë mediat greke, duke e lidhur arrestimin e tij me cështjen e pronave në bregdetin shqiptar.
“Arsyeja e vetme që jam këtu është rrëmbimi i pronave nga banorët vendas grekë, për llogari të investitorëve strategjikë që janë kryesisht miq të qeverisë dhe kryeministrit”, deklaroi ai. Ndërsa thekson se nuk do të heqë dorë deri në betimin e tij si kryetar i bashkisë së Himarës.
“Jam mirë, jam i fortë. Po pres. Ka 3 muaj, jam i vendosur të ulem këtu sa të duhet, të betohem kryetar bashkie dhe të shkoj atje ku më kanë emëruar himariotët. Dua t’u them atyre të jenë të fortë, të presin dhe të kenë besim në Zot dhe besim në luftë. Drejtësia mund të jetë e ngadaltë. Ndonjëherë më e shpejtë, ndonjëherë më e ngadaltë, por në fund fiton gjithmonë,” shtoi Beleri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
