Dy organizatorët e protestës një dite më parë në pikën kufitare të Morinit në Kukës janë proceduar në gjendje të lirë. Së bashku me dhjetëra të tjerë, ata kundërshtuan masat e reja të qeverisë së Kosovës për pandeminë.
Policia e Kukësit thotë se 64-vjeçari R.M. dhe 37-vjeçari M.F, akuzohen për “Organizimi dhe pjesëmarrja në grumbullime e manifestime të paligjshme” dhe “Pengimi i qarkullimit të mjeteve të transportit”.
Gjatë protestës së djeshme, qytetarët e Kukësit penguan hyrjen e metëve nga Kosova drejt Shqipërisë në pikën kufitare të Morinës.
Qëllimi i protestës ishte heqja e pengesave për lëvizje të lirë të shtetasve shqiptarë, të cilët nuk mund të hyjnë në Kosovë pa dëshminë e vaksinimit me tre doze, ose me dy doza plus tampon PCR.
Është dashur ndërhyrja e policisë për të larguar protestuesit dhe rinisur qarkullimin normal të mjeteve në kufi.
Vendimi i qeverisë së Kosovës është kundërshtuar në masë dhe mediat në Prishtinë shkruajnë se një masë e tillë do të rishikohet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
