.png)
Në kuadër të operacionit policor të koduar “Flower” është arrestuar 38-vjeçari me inicialet T. V., i cili ishte shpallur në kërkim, pasi dyshohet se kanoste 28-vjeçaren me iniciale V.M. për të ushtruar prostitucion si dhe i siguronte asaj klientë nga Shqipëria, Italia dhe Belgjika për të ushtruar veprimtarinë kundrejt pagesave që varionin nga 150 deri në 300 Euro.
Në pranga është vendosur edhe 28-vjeçarja e shpallur në kërkim për ushtrim të kësaj veprimtarie kriminale.
Të dy shtetasit ishin shpallur në kërkim në kuadër të këtij operacioni të zhvilluar më datë 17 Qershor 2023.
Në cilësinë e provës materiale u sekuestruan një automjet, 4 celularë dhe një tablet.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
