.png)
Italia është përfshirë e gjitha nga ethet e Europianit. Pas daljes në finale, besimi për fitimin e trofeut nga skuadra e Roberto Mançinit është më i madh se kurrë. I gjithë opinioni futbolldashës dhe jo vetëm, mezi po pret 11 korrikun.
"Të dielën e ndjekim finale e Euro 2020 në stadiumin ‘Olimpico’, me kapacitet të reduktuar dhe në respekt të masave anti-Covid? Kemi zhvilluar tri ndeshje të “axurrëve” në këtë stadium. Do të ishte një mënyrë shumë e mirë për të bërë tifo të gjithë bashkë për kombëtaren". Ky është postimi në Tuiter i Virxhinia Raxhit, kryebashkiakes së Romës, një propozim për CONI-n dhe Ministrinë e Sporteve dhe Shëndetit.
Stadiumi “Olimpico” ishte një nga selitë e përzgjedhura nga UEFA për zhvillimin e ndeshjeve të Euro 2020, madje në këtë stadium u zhvillua edhe ceremonia e hapjes, para Itali-Turqi . Gjatë ndeshjeve që u luajtën në këtë stadium, gjithçka ka shkuar mirë dhe tani mbetet për t’u parë, nëse propozimi i kryebashkies Raxhi do të pranohet apo jo nga autoritetet përkatëse në Itali.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
