Gazeta Si – Italia nuk është një kampionat i dorës së parë prej vitesh, edhe pse bën pjesë te 5 ligat mtë forta të kontinentit. Konfirmohet edhe nga vështirësitë që po hasin klubet e mëdha të Serisë A në merkato. Italia rezikon shumë të humbë edhe ato yje që ka, si për shembull De Ligt.
Mbrojtësi holandez duket i paqartë për të ardhmen, por kuptohet që ai joshet nga Premier Liga. Juventusi ka arsye të shqetësohet, pasi mund ta humbasë shpejt.
De Ligt është në listën e blerjeve të Çelsit. Pronarët e rinj të klubit londinez i kanë premtuar 6 blerje trajnerit Tomas Tuhel dhe për mbrojtjen sipakt pikërisht lojtari i Juventusit.
Klubi italian ka siguruar mesfushorin Pol Pogba, i cili rikthehet në skuadër, ndërsa pista e Di Marias është zbehur ditët e fundit. Nëse humb edhe De Ligt, për Juventusin është një goditje e rëndë.
Mes yjeve që Seria A rrezikon të humbasë është edhe mbrojtësi tjetër, Milan Shkriniar, për të cilin PSG-ja është gati të bëjë çmenduri financiare. Interi është në ankth për situatën me mbrojtësin sllovak.
Edhe Milani po has vështirësi në merkato. Mbrojtësi Botman, i lodhur nga pritja, duket se ka vendosur të shkojë te Njukasëlli në Angli. Fuqia ekonomike bën diferencën në merkato, nuk ka asnjë diskutim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
