.png)
Gjykata egjiptiane shtyu gjyqin e çështjes së bllokimit të kanalit të Suezit nga një anije mallrash për t’i lënë kohë autoriteteve për shqyrtim të mëtejshëm.
Avokati i Autoritetit të Kanalit Suez Khaled Abu Bakr i tha gjykatës se operatori po rishikonte një ofertë ekonomike për pronarët e anijes.
“Ne dorëzuam një propozim që ne besojmë se plotëson të gjitha kërkesat e AKS-së”. Shtyrja duhet të lejojë “kohën e nevojshme për të arritur një zgjidhje përfundimtare dhe miqësore që kënaq të gjitha palët”.
Ever Given prej 400 metrash, një nga anijet më të mëdha në botë me kontejnerë, u përplas në pjesën jugore të kanalit të Suezit në fund të Marsit, duke e bllokuar atë dhe tregjet e transportit për gjashtë ditë. ASK fillimisht kërkoi më shumë se 900 milion dollarë për të mbuluar humbjen e tarifave të tranzitit, dëmtimin e rrugës ujore gjatë përpjekjeve të pastrimit dhe shpëtimit dhe koston e pajisjeve dhe punës. Më vonë e zvogëloi shumën në rreth 550 milion dollarë.
Shoei Kisen Kaisha Ltd. e Japonisë, pronari dhe siguruesit e anijes fillimisht ofruan 150 milion dollarë.
Pasi u zhbllokua në 29 Mars, Ever Given u drejtua në Liqenin e Kripur të Egjiptit dhe që atëherë është mbajtur atje nga autoritetet egjiptiane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
