.png)
Vrasja e 25-vjeçarit Klodian Rasha nga policia ka vënë në lëvizje organet e drejtësisë.
Këtë mesditë po zhvillohet një takim urgjent në Prokurorinë e Tiranës për hetimin e ngjarjes ku mbeti i vrarë 25-vjeçari Klodian Rasha.
Drejtori i ShÇBA-së dhe strukturat e tjera hetimore po analizojnë ngjarjen me detaje si dhe po nxjerrin detyrat për hetimin objektiv te çështjes.
Ndërkohë është dërguar në Gjykatë nga ana e Prokurorisë kërkesa për caktim masë sigurimi personal “Arrest me burg” për të dyshuarin, efektivin e Policisë, Nevaldo Hajdaraj.
Ndërkohë, vijojnë hetimet intensive për zbardhjen e plotë të rrethanave të ngjarjes.
Klodian Rasha humbi jetën në spital, pasi u qëllua nga efektivi i “Shqiponjës” mëngjesin e 8 dhjetorit shumë pranë banesës së tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
