Kryeministri i Kosovës, Albin Kurti, në prezantimin e Projektligjit për Buxhetin e vitit 2022 njoftoi se 100 milionë euro janë ndarë për Forcën e Sigurisë së Kosovës e 10 milionë euro për blerjen e objekteve të ambasadave të Kosovës në shtetet e tjera
Buxheti i Kosovës për vitin 2022 është për 8.7% – apo rreth 220 milionë euro më i lartë se rishikimi i tij që u bë në qershor të këtij viti.
“Ushtrinë e kemi projektin tonë madhor, andaj për herë të parë kemi ndarë buxhet prej 100 milionë eurosh apo 1,3 për qind të bruto produktit vendor. E synimi është që brenda mandatit ta sjellim 2 për qind të bruto produktit vendor, aq sa e kërkon standardi i NATO-s”, tha Kurti në prezantimin e planit buxhetor për 2022-tën.
Ndërkohë, për herë të parë janë ndarë edhe 2 milionë euro si mbështetje për Luginën e Preshevës e Bujanocin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
