.png)
Gjykata Kushtetuese kishte të martën seancën e konkluzioneve në lidhje me padinë e dorëzuar nga Grupi parlamentar i PD dhe katër grupe interesi mbi taksimin e profesionistëve të lirë.
Në seancën e konkluzioneve, deputetja e PD Tabaku përcolli konkluzionet e PD.
“Në këtë seancë, në javën e kaluar u paraqitën argumente dhe prova që kanë dëshmuar se në të vërtetë ky ligj i miratuar nga parlamenti, jo vetëm që cenon sigurinë juridike, lirinë e tregut, por është gjithashtu dhe diskriminues për tridhjetë mijë subjekte të vetëpunësuar.
U ofruan provat e argumente për të treguar se si norma e tatimit 0%, 8%, 13%, 23% dhe praktikisht ajo që po zbatohet sot në Profesionet e Lira që shkon deri në 40%, i ndan në kategori dhe është jo e ndershme, por nga ana tjetër dhe antikushtetuese...
Ne nuk kërkojmë nga kjo trupë gjykues që të marrë tagrin e ekzekutivit, as që t’i heqë parlamentit një funksion që i takon me ligj por nga ana tjetër kërkojmë që të ruhet integriteti i Kushtetutës, të mbrohen qytetarët, të mbrohet e mira publike, të kemi një drejtësi në sistemin e taksave që fatkeqësisht është shtrembëruar nga ana e legjislativit”, tha ndër radhë Tabaku.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
