Kur bëhet fjalë për seksin, ka disa gjëra që secili prej nesh mund të bëjë për t'u përgatitur. Qoftë nëse bëhet fjalë për t’u kujdesuar për pjesët intime, për të vendosur pak muzikë sensuale, për të bërë një dush dhe shumëçka tjetër që të ndiheni të relaksuar dhe në humor.
Ushqimi dhe pijet mund të jenë gjithashtu një temë me interes. E ndërsa flasim për pijet, kafeja është një syresh prej tyre që ka gjithmonë interes, sidomos kur bëhet fjalë për lidhjen apo shmangien e saj para aktit seksual.
Kafeja sipas mjekëve ka efekt natyral stimulues të zorrëve dhe kjo është një nga motivet kryesore pse duhet të shmanget në dhomën e gjumit.
Kafeina dhe acidet e kafesë mund të shkaktojnë shqetësime në tretje te disa njerëz, pasi ajo ndikon në frekuencën e kontraktimeve në traktin tretës gastrointestinal. Kjo është arsyeja pse shumë njerëz i drejtohen pijeve si një stimulues natyral që i ndihmon ata të ndihen të shfryrë.
Kafeja mund të përkeqësojë simptomat tuaja dhe t’ju largojë nga aktiviteti seksual që mezi prisnit të kënaqeshit. Plus, ajo që shtoni në kafe ka shumë rëndësi. Intoleranca ndaj qumështit mund të shkaktojë simptoma si gazra, fryrje dhe diarre.
Pra, nëse synimi juaj është që akti seksual të shijohet në maksimum dhe të mos ndërpritet nga simptoma apo situata të pakëndshme, hiqni dorë nga kafeja para seksit.
Gjithsesi ekspertët janë të ndarë. Të tjerë thonë se kafeja para seksit nxit libidon, përforcon orgazmat dhe parandalon disfunksionet erektile.
“Është e mundur që kafeina të përmirësojë ndjesitë seksuale. Por kjo mund të lidhet me të njëjtën arsye se përsë të zgjon në mëngjes – prek sistemin nervor dhe të jep më shumë energji. Seksi kërkon një nivel të caktuar të staminas dhe atletizmit e kafeja mund të ndihmojë për këtë” thotë Nicole Prause, psiko-fiziologe e seksit.
Sipas një studimi në 2015-n, burrat që pinin 2-3 kafe në ditë kishin më pak shanse të pësonin disfunksione erektile./Healthdiggest
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
