Presidentja Vjosa Osmani, në cilësinë e komandantes supreme të Forcave të Sigurisë së Kosovës, ka nënshkruar autorizimin për dërgimin e trupave dhe pajisjeve të FSK-së në një operacion humanitar dhe në të njëjtën kohë ka informuar për këtë veprim Kuvendin e Kosovës.
Miratimi vjen pas vendimit të Qeverisë së Kosovës për t`i ofruar ndihmë Shqipërisë në shuarjen e zjarreve.
Trupat dhe pajisjet FSK-së, do t`i vihen në dispozicion autoriteteve shqiptare me qëllim të shuarjes dhe vënies në kontroll të zjarreve. Mjetet dhe pajimet pritet të mbërrijnë në Kukës ku do të ndihmojnë në shuarjen e zjarrit atje.
Nderkohë nesër ata do të kalojnë Morinën dhe të ndihmojnë pjesën e veriut të vendit. Pas mbërritjes trupat do të akomodohen në Kukës për t’u nisur nesër në mëngjes te vatrat e zjarreve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
