.png)
Nga Gazeta ‘Si’- Volodymyr Zelenskyy do të takohet me homologun amerikan Donald Trump sot(25 qershor) në margjinat e samitit të NATO-s në Hagë, tha zyra e presidentit ukrainas.
Sipas mediave të huaja, dje Shtëpia e Bardhë konfirmoi se Trump kishte planifikuar të takohej me Zelenskyy-n në një moment gjatë samitit të NATO-s, por data ishte ende e panjohur.
Herën e fundit që dyshja u ulën me njëri-tjetrin ishte në prag të funeralit të Papa Françeskut në prill.
Kjo pasoi një përballje katastrofike midis Trump dhe Zelenskyy në Zyrën Ovale, e cila bëri që vizita e udhëheqësit ukrainas të përfundonte para kohe.
Kujtojmë se megjithë përpjekjet e Presidentit Trump për t’i dhënë fund luftës në Ukrainë, duket se palët janë ende larg gjetjes së një zgjidhjeje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
