.png)
Gjashtë mujori i parë i 2018 ka rezultuar me një ulje në pagesën e dëmeve nga aksidentet automobilistike. Pagesat e dëmeve gjatë periudhës janar-qershor 2018 u ulën me 15.47% krahasuar me periudhën janar-qershor 2017. Pjesa më e madhe e dëmeve të paguara bruto i përket sigurimit motorik me rreth 1,557 milionë lekë, apo 68.09% të totalit të dëmeve të paguara bruto.
Gjatë të njëjtës periudhë, dëmet e paguara bruto në tregun e sigurimeve, arritën në rreth 2,287 milionë lekë, ose 15.47% më pak se në periudhën janar-qershor 2017.
Në gjashtë mujorin e parë ka shënuar rënie edhe Produkti Karton Jeshil prej 1.03% të volumit të primeve të shkruara bruto. Kjo u shoqërua nga një rritje e numrit të kontratave prej 12.70% krahasuar me periudhën janar-qershor 2017.
Edhe Sigurimet vullnetare të Jo-Jetës gjatë periudhës janar-qershor 2018, patën ulje me 0.35% kundrejt periudhës janar-qershor 2017.
Produkti Sigurim Kufitar, në periudhën janar-qershor 2018, pati një ulje 3.19% të volumit të primeve të shkruara bruto krahasuar me periudhën janar-qershor 2017. Ndersa numri i kontratave u rrit me 21.51%.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
