Gazeta Si – Polemika në Holandë dhe trajneri Luis Van Gal në qendër të tyre. Vetë trajneri i Holandës ka pranuar se ka qëndruar në stol gjatë miqësores me Gjermaninë, edhe pse kishte dalë pozitiv ndaj Covid-19. Në konferencën për shtyp pas ndeshjes, Van Gal i shtangu të pranishmit, duke thënë: “Mos u afroni, kam dalë pozitiv ndaj Covid-it”.
Trajneri holandez e kishte bërë testin e fundit të hënën, një ditë para ndeshjes, kur doli pozitiv, por ai ishte prezent në stadium dhe u ul në stol, duke përqafuar lojtarët e tij dhe ata kundërshtarë, madje pa përdorur as maskë.
Sjellja e trajnerit është shoqëruar me shumë diskutime, sidomos në Gjermani, ku shtypi e ka sulmuar ashpër Van Galin, i cili është justifikuar kështu: “Mjeku më tha se janë vetëm mbetje të virusit, që dallohen në testin molekular, ndërsa në testin e shpejtë dola negativ”. Më pas trajneri holandez ka bërë të ditur se nuk do të jetë i pranishëm në Katar të premten për hedhjen e shortit të Botërorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
