.png)
Gazeta Si – Kualifikuese plot emocione para Çmimit të Madh të Italisë. Piloti spanjoll i skuderisë italiane ka ‘djegur’ kampionin në fuqi për fare pak, kurse Leklerk niset nga vendi i 3-të, para Rasëll.
Karlos Sainz ka entuziazmuar publikun e Moncës, duke regjistruar kohën më të mirë në kualifikuese dhe nesër do të niset i pari në garë. Tifozët e Ferrarit shpresojnë që edhe nesër spanjolli të jetë në një ditë të mirë. Sainz mposhti të pathyeshmin Maks Vershtapen dhe Red Bull-in e tij me vetëm 13 të mijëtat.
Sainz për herë të parë ka mundur në kualifikueset e Moncës edhe shokun e skuadrës, Sharl Leklerk, të cilit iu desh të kënaqet me vendin e 3-të, 67 të mijëtat pas spanjollit. Ferrari nesër do të luajë shanset e saj.
STARTING GRID 🇮🇹
— Formula 1 (@F1) September 2, 2023
Here's how we will line up come Sunday! 🔥#ItalianGP #F1 pic.twitter.com/vcTkFfZQYh
Por Red Bull-i edhe këtë fundjavë ka qenë i shpejtë dhe në garë shprehet gjithmonë mirë. Xhorxh Rasëll do të niset nga pozicioni i 4-t, Serxhio Perez nga i 5-ti, përpara Albon, Piastrit, Hemiltonit, Norrisit dhe Alonsos, me këtë të fundit që ka zhgënjyer disi me vendin e 10-të.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
