.png)
Një sasi e vogël lënde plasëse është vendosur në sheshpushimin e një pallati në Pogradec.
Ngjarja ka ndodhur rreth orës 02:30 të mëngjesit të sotëm, midis katit të parë dhe katit të dytë, në afërsi të banesës së shtetasit Meardi Berberi.
Si pasojë e shpërthimit ka vetëm dëme materiale.
Grupi hetimor nën drejtimin e Prokurorisë vijon punën për zbardhjen e rrethanave të ngjarjes, identifikimin dhe kapjen e autorit/ve.
Meardi Berberi është person me precedent të theksuar kriminal.
Ai ka përfituar së fundmi nga amnistia dhe është liruar nga burgu.
Berberi rezulton i dënuar për veprat penale:
-08.08. 2020 “Prodhim dhe mbajtje pa leje e armëve luftarake”;
-10.02.2019 “Kundërshtim i punonjësit të policisë”, “Prishje e rendit dhe qetësisë publike”;
-20.06.2008 “Plagosje e rëndë me dashje e kryer në bashkëpunim” dhe “Armëmbajtje pa leje”;
-24.02.2018 “Kanosje, prishje e qetësisë publike”;
-24.04.2011 “Plagosje e rëndë me dashje”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
