Një 49-vjeçar në Dibër është shpallur i zhdukur nga familjarët e tij, psi nuk është kthyer në banesë prej 24 orësh.
Mësohet se Tofik Xhika kishte lënë makinën tek lokali i fshatit Fushë-Alie dhe kishte shkuar për të peshkuar në lumin Drin. Pasditen e të dielës dhe gjatë natës kanë kërkuar rreth 200 burra së bashku me forcat e policisë, por pa rezultat.
Kërkimet po vijojnë me gomone nga disa banorë në brigjet e Drinit. Mëngjesin e të hënës kanë rinisur kërkimet, por failjarët kërkojnë ndihmën e polumbarëve, pasi kanë kërkuar në një gjatësi prej 2 km dhe nuk kanë mundur ta gjejnë.
Kërkimet janë vështirësuar edhe për shkak të reshjeve të shiut që kanë prekur prej mesnatës qarkun e Dibrës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
