Një vajzë 22-vjeçare është aksidentuar mesditën e të premtes nga një automjet në zonën e “21 Dhjetorit” në Tiranë.
Policia thotë se një makinë ka përplasur këmbësoren të identifikuar si B.M., e cila ndodhet në spital nën kujdesin e mjekëve.
Ngjarja ka ndodhur rreth orës 12:00, pranë shkollës 9-vjeçare “Sabaudin Gabrani”, ku drejtuesi me iniciale D.M., nuk ka ndaluar në momentin që vajza po kalonte mbi vijat e bardha për këmbësorët.
Ai nuk është larguar nga vendi i ngjarjes dhe është shoqëruar në polici.
Grupi hetimor ndodhet në vendngjarje dhe po punon për zbardhjen e rrethanave të aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
