.png)
Gazeta Si - Gjykata e Lartë ka zgjedhur këtë të hënë anëtarin e 9-të Gjykatës Kushtetuese, duke plotësuar numrin prej 9 gjyqtarësh.
Holta Zaçaj do zërë vendin e zëvendës kryetares Vitore Tushe. Në mbledhjen e sotme, anëtarët e Gjykatës së Lartë, mes Elsa Mihës dhe Zaçajt zgjodhën këtë të fundit, për shkak të pikëzimit.
Zaçaj u zgjodh e para me 84.7 pikë në raport me 82 pikë që siguroi Miha. Me zgjedhjen e anëtarit të ri, Gjykata Kushtetuese plotësohet me numrin e plotë prej 9 anëtarësh.
Votimi doli në balotazh, 6 me 6 mes dy kandidatëve dhe në fund Zaçaj u emërua në Kushtetuese për shkak të pikëzimit.
Për postin e anëtarit të gjykatës Kushtetuese kandiduan Brunilda Kadi, Elsa Miha, Holta Zaçaj, Juliana Latifi dhe Sandër Beci.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
