.png)
Gazeta Si - Gjykata e Posaçme ka lënë në fuqi këtë të premte masën "arrest me burg" për Xhelal Rrajën, vëllain e ish-deputeit socialist të Krujës, Rrahman Rraja.
Gjatë seancës nëpërmjet avokatit të tij Elton Hyseni, ai kërkoi zbutje të masës së sigurisë me argumentet se është i sëmurë. Në lidhje me akuzat dhe dyshimet e ngritura u deklarua i pafajshëm.
Ai u arrestua të mërkurën në Tiranë, pasi ishte shpallur në kërkim me urdhër të SPAK, për akuzën e sigurimit të kushteve për të kryer vrasje e pjesëmarrje në grup kriminal.
Konkretisht bëhet fjalë për planifikimin e vrasjes së ish-deputetit Arben Ndoka. Akuza e ngritur nga SPAK ndaj Xhelal Rrajës, erdhi pas zbërthimit të aplikacioneve SKY dhe Encrochat, ku ai në bashkëpunim me persona të tjerë planifikonin kundrejt pagesës vrasjen e Ndokës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
