Gazeta Si – Një 18-vjeçar u arrestua në Tropojë, si autor i dyshuar i plagosjes me thikë të një 23-vjeçari, ngjarje e ndodhur ditën e hënë (24 qershor) në fshatin Dojan.
Sipas njoftimit zyrtar, ngjarja ka ndodhur pas një konflikti për motive të dobëta. Policia tha e i riu u kap dhe u vu në pranga si pjesë e hetimeve të vijueshme për zbardhjen e autorësisë dhe rrethanave të ngjarjes.
Në kuadër të hetimeve, u arrestua edhe një 21-vjeçar, i cili akuzohet për moskallëzim krimi, pasi dyshohet se ka pasur dijeni për ngjarjen dhe nuk ka njoftuar autoritetet.
Ndërkohë, është proceduar penalisht në gjendje të lirë edhe vetë 23-vjeçari i plagosur, pasi gjatë kontrollit në automjetin e tij, policia gjeti një sasi lënde të dyshuar narkotike të llojit kanabis.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.