.png)
Gazeta Si - Një 40-vjeçar u plagos me thikë 3 ditë më parë nga dy persona në një lokal në zonën e ish-Bllokut në Tiranë.
Bëhet fjalë për shtetsin Eder Dorzi, 40 vjeç, por policia në një njoftim për mediat, thotë se plagosja u raportua vetëm këtë të martë për arsye hetimi, me qëllim identifikimin e autorëve.
Autoritetet kanë mundur në fakt t’i identifikojnë ata dhe i kanë shpallur në kërkim.
Sa i përket 40-vjeçarit i cili mbeti i plagosur, policia thotë se ai ndodhet nën kujdesin e mjekëve.
Ngjarja e rëndë ndodhi në rrugën “Vaso Pasha” dhe në kërkim janë shpallur shtetasit M.H., 27 vjeç dhe E.H., 27 vjeç.
I plagosuri, Eder Dorzi, banues tek zona “Ali Demi” në Tiranë ndodhet në nën kujdesin e mjekëve.
Eder Dorzi rezulton një emër i njohur për policinë. Ai është arrestuar, pasi ishte në kërkim ndërkombëtar në Itali pas një urdhër-ndalimi nga Gjykata e Milanos, si i përfshirë në një organizatë kriminale dhe prostitucion.
Grupi shfrytëzonte femra nga Europa Lindore dhe kryesisht nga Shqipëria për prostitucion në Itali. Hetimi për kapjen e tyre kishte nisur në qershor të 2014 dhe u përmbyll pas dy vjetësh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
