Gazeta Si – Kreu i Njësisë Administrative në Kallmet në Lezhës, Besnik Simoni, ka mbetur i plagosur pasi është qëlluar me armë zjarri mesditën e të premtes nga një person me të cilin ka pasur një konflikt në zyrë.
41-vjeçari është qëlluar me breshëri plumbash nga një person i identifikuar nga policia si Altin Marku, banor i Kallmetit, i cili është shpallur në kërkim.
Simoni ka mbetur i plagosur dhe ndodhet në Spitalin e Traumës në Tiranë në gjendje të stabilizuar, ndërkohë që policia, e cila ka shkuar në vendin e ngjarjes ka blinduar zonën.
Sipas policisë, Simoni është qëlluar në rrugën që lidh fshatin Kallmet me superstradën Lezhë-Shkodër rreth orës 13:30 në fshatin Kallmet, pas një sherri verbal të nisur më herët në zyrë.
Grupi hetimor ndodhet në vendngjarje dhe po punon për sqarimin e rrethanave të ngjarjes, si dhe fiksimin e çdo provë materiale që do t’i shërbejë hetimit, për zbardhjen dhe dokumentin e plotë të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
