Gazeta Si – Diell Çela, ish-kryetar i PD-së në Peqin në vitin 2013, është plagosur me armë zjarri nga Sokol Dehimi mesditën e kësaj të mërkure në Peqin. Ngjarja ka ndodhur në unazën e qytetit dhe sipas policisë shkak u bë një konflikt mes tij dhe 52-vjeçarit të identifikuar tashmë.
Çela, 55-vjeç, është paraqitur në spital për të marrë ndihmën mjekësore dhe ndodhet jashtë rrezikut për jetën.
Megjithatë, sipas burimeve paraprake, ngjarja nuk ka prapavijë politike, por ka lidhje me detyrën e bashkëshortes së Çelës, e cila punon si drejtoreshë e spitalit të Peqinit.
Gjithnjë sipas burimeve, bashkëshortja e të plagosurit mësohet se ka larguar nga puna gruan e autorit të dyshuar, Sokol Dehima dhe për këtë arsye kanë lindur konfliktet.
Policia ka ngritur pika kontrolli me qëllim kapjen e autorit, 52 vjeç, ndërsa grupi hetimor po punon për zbardhjen e rrethanave të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
