Gazeta Si – Një 33-vjeçar me iniciale O.B., ka mbetur i plagosur me armë zjarri në Fier. Policia tha se Ai u plagos pas një konflikti të çastit jashtë një lokali në zonën e quajtur “Vija e ngjalës”.
I plagosuri është dërguar në spital dhe ndodhet në kujdesin e mjekëve. Po ashtu është mundur të identifikohet autori i kësaj ngjarje.
Ai është një 30-vjeçar nga Patosi dhe policia është vënë në ndjekje të të riut, duke rrethuar zonën, ndërsa po ushtrohen kontrolle të ndryshme për ta kapur.
Ende vijojnë të jenë të paqarta rrethanat e plota të kësaj ngjarje. Policia vijon hetimet. Për këtë arsye janë sekuestruar kamerat e sigurisë dhe çdo provë tjetër që mund të shërbejë në zbardhjen e plotë të kësaj ngjarje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
