Një 37-vjeçar është plagosur mëngjesin e të mërkurës në fshatin Vreshtas të Fierit. Policia thotë se shtetasi H.N., 66 vjeç, pas një konflikti për motive banale, ka plagosur me armë gjahu shtetasin me iniciale K.N. Ky i fundit është dërguar në spitalin e Fierit dhe ndodhet nën kujdesin e mjekëve. Ndërkohë policia ka bërë të mundur arrestimin e autorit dhe sekuestrimin e armës së gjahut të përdorur nga 66-vjeçari.
Ndaj tij rëndojnë akuzat për veprën penale “Plagosja e rëndë me dashje”. Materialet do i kalojnë Prokurorisë Fier, për veprime të mëtejshme procedurale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
