Gazeta Si – Gjashtë persona mbetën të plagosur mbrëmjen e kësaj të diele në një aksident në aksin Fier-Lushnjë pranë fshatit Piraj.
Burime zyrtare të policisë thonë se ngjarja ndodhi rreth orës 20:30, ku 55-vjeçari M. Kapllani, duke drejtuar automjetin, është përplasur me një mjet bujqësor, me drejtues 27-vjeçarin me iniciale I.K., banues në fshatin Pirrë.
Si pasojë e përplasjes janë dëmtuar lehtë drejtuesi i automjetit dhe pasagjerët: G. K., 46 vjeçe, Dh. T., 52 vjeçe, M. T., 58 vjeç, dhe dy fëmijë të mitur 12 vjeç dhe 11 vjeç, të cilët ndodhen në spital nën kujdesin e mjekëve, jashtë rrezikut për jetën.
Në aksident u përfshinë një zetor dhe një makinë ndërsa policia ndodhet në vendngjarje ku po hetohen rrethanat e aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
