Gazeta Si – Tre persona në Tiranë janë arrestuar për plagosjen e rëndë të një 41-vjeçari. Policia thotë se B. L., 31 vjeç, I. M., 20 vjeç dhe R. K., 34 vjeç u përfshinë në një konflikt me 41-vjeçarin me iniciale F.B., dhe më pas e plagosën me një mjet prerës.
Dyshohet se konflikti mes 4 personave ndodhi për motive të dobëta. 41-vjeçari ndodhet në kujdesin e mjekëve.
“B. L., 31 vjeç, I. M., 20 vjeç dhe R. K., 34 vjeç, të tre banues në Tiranë, për veprën penale “Plagosja e rëndë me dashje”, kryer në bashkëpunim, parashikuar nga neni 88/25 i Kodit Penal. Në rrugën “Ramazan Gaxherri”, 3 të arrestuarit, në bashkëpunim me njëri-tjetrin, dyshohet se pas një konflikti për motive të dobëta, kanë goditur me mjet prerës shtetasin F. B., 41 vjeç, banues në Tiranë, i cili ndodhet në spital, në kujdesin e mjekëve”, – njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
