Gazeta Si – Një 18-vjeçar me iniciale A.H., ka plagosur me armë zjarri pasditen e kësaj të mërkure shokun e lagjes së tij në Kamëz.
Ky i fundit, 16 vjeç, ndodhet në spital nën kujdesin e mjekëve. Mësohet se i mituri, ka marrë një plumb në pjesën e pulpës në këmbë dhe aktualisht është jashtë rrezikut për jetën.
Dyshohet se ngjarja ka ndodhur pas një konflikti banal, ndërsa policia po sheh kamerat e sigurisë në zonë e po ashtu po hetohet arma që adoleshenti ka përdorur.
Policia ka ngritur pika kontrolli në zonë, e pas këqyrjes së kamerave do të zbardhet dhe itinerari që ka ndjekur autori i plagosjes. Në këtë mënyrë, do të zbulohet dhe vendodhja e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
