.png)
Gazeta Si - Apeli i GJKKO-së ka lënë në burg Dritan Metajn, ish-shefin e komisariatit Laç, pasi ky i fundit kishte ankimuar vendimin e Gjykatës së Posaçme të Shkallës së Parë për Korrupsionin dhe Krimin e Organizuar, duke kërkuar ndryshimin e masës së sigurisë.
Por Apeli i Posaçëm nuk e ka pranuar këtë kërkesë të tij dhe ka lënë në fuqi masën e sigurisë "arrest në burg".
Ish-shefi i komisariatit të Laçit, Dritan Metaj, u arrestua dy javë më parë pasi u zbulua përfshirja e tij në bandën e "baronit të drogës" në Fushë-Kuqe, Gëzim Çela.
Ky i fundit është i shpallur në kërkim për trafikun e drogës dhe ka qenë i kërkuar edhe përpara këtij aksioni. Por SPAK thotë se ish-shefi i komisariatit të Laçit, Dritan Metaj, transportonte me makinë Gëzim Çelën teksa ky i fundit kërkohej nga autoritetet.
Metaj ka pranuar kontaktet me Gëzim Çelajn, por ka thënë se nuk mund t’i evitonte për shkak të njohjeve të vjetra.
SPAK thotë se ka dyshime që ka lehtësuar lëvizjet e anëtarëve të grupit kriminal që merrej me trafikun e lëndëve narkotike në zonën e Fushë Kuqes.
Sipas burimeve nga grupi hetimor, Metaj ka kryer kontrolle fiktive për gjetjen e tyre, si dhe ka biseda në celular që flitej për lëvizjen e Gëzim Çelajt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
