.png)
Gazeta Si - Katër të rinj që lëviznin me armë zjarri në mjetin e tyre janë arrestuar nga policia në Tiranë.
Në hyrje të fshatit Tujan, në rrugën e Arbërit, policia ndaloi mjetin tip “Range Rover” me të cilin ata qarkullonin dhe si rezultat i kontrollit të imtësishëm, u gjetën 2 armë zjarri pistoleta, me krehëra me municion luftarak, të fshehura poshtë kofanos së automjetit.
Të arrestuarit janë Bledar Matoshi, 33 vjeç, i dënuar më parë për armëmbajtje pa leje; Kid Koshena, 28 vjeç, i dënuar më parë për plagosje të rëndë; Klajdi Vrioni (Kodra), 32 vjeç, i dënuar më parë për armëmbajtje pa leje dhe për plagosje të rëndë; dhe Redion Meshi, 22 vjeç, i cili drejtonte automjetin ku u gjetën armët.
Në vijim të operacionit “Katrori”, u ushtrua kontroll edhe në banesat e tyre dhe si rezultat, në banesën e Redion Meshit, policia gjeti edhe 2 armë zjarri kallashnikovë dhe një sasi municioni luftarak.
Në cilësinë e provës materiale, u sekuestruan 4 armë zjarri, një sasi e konsiderueshme municioni luftarak, 5 aparate celulare dhe automjeti me të cilin lëviznin 4 të arrestuarit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
