Gazeta Si – Andrea Pirlo ka folur së fundi për një moment të rëndësishëm të karrierës së tij, atë të rinovimit të munguar me Milanin në 2011-ën. Një situatë, që më pas solli kalimin te Juventusi i Antonio Kontes.
“Milani donte që të kisha vetëm një vit kontratë, ashtu si Ambrozini, Nesta dhe Gatuzo. Unë mendoja se meritoja më shumë, – ka thënë trajneri aktual i Fatih Karagumruk për ‘Prime Video’. – Me bezdis shumë fakti që konsiderohem një tradhtar, kam qarë deri ditën e fundit, sepse doja të rrija te Milani gjithë jetën. Nuk kam ikur për para”.
Ish-mesfushori i Italisë ka folur edhe për Konten, për raportin që ka me trajnerin e Totenhemit dhe rolin që ai ka pasur në zgjatjen e karrierës, kur shkoi te bardhezinjtë.
“Stërvitja e tij është masakruese, por në fund të fundit jep rezultat në fushë. Ai të jep këshilla dhe të jep disa zgjidhje. Kur në moshën 31-vjeçare shkon dhe punon në atë mënyrë, patjetër që të zgjatet karriera”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
