Botërori i Formulës 1 është parashikuar të startojë në fillim të korrikut, me dy gara të njëpasnjëshme në pistën e Spielberg, saktësisht më 5 dhe 12 korrik. Cirkuiti i Austrisë mund të paraqesë rrezik, sipas Kristian Horner, një nga drejtuesit e skuderisë Red Bull. Ai e shpjegon frikën në lidhje me këto gara me kohën e gjatë të pilotëve pa u ushtruar.
“Pilotët e Formulës 1 nuk kanë qëndruar kurrë më parë për një kohë kaq të gjatë jashtë garave, – thekson Horner për “Guardian”. – Situata ka qenë e tillë. Nëse fillojmë më në korrik, të gjithë pilotët do të jenë ndryshkur dhe mendoj se do të ketë aksidente gjatë garave, do të jetë e rrezikshme”.
Drejtuesi i Red Bull pranon më tej se edhe ai vetë ka nostalgji për kampionatin e Formulës 1. “Herën e fundit që kam qenë për kaq kohë larg një cirkuiti, ndoshta kam qenë 12 vjeç, – pohon ish-piloti 43-vjeçar. – Mezi po presim t’u kthehemi garave zyrtare, kemi shumë dëshirë të zbresim në pistë, sepse nuk është aspak e natyrshme për pilotët dhe pjesëtarët e tjerë të skuadrës sonë që të qëndrojmë në shtëpi”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
