.png)
Një restorant në Glasgow ka krijuar një picë të mbushur me fletë ari 24 karatësh, pasi është frymëzuar nga bifteku i famshëm i Salt Bae prej 850 paund, i veshur me ar.
Shefi i kuzhinës Salt Bae, emri i vërtetë i të cilit është Nusret Gökçe, ka bërë bujë për pjatat e tij të shtrenjta në restorantin e tij Knightsbridge, ku një grup shokësh thuhet se u larguan me një faturë prej 37.000 paund.
Shefi i kuzhinës fillimisht fitoi famë pasi një video e tij duke hedhur kripë mbi një biftek në restorantin e tij të parë në Turqi u bë virale në vitin 2017.
Tani, piceria ‘Nonna Said’ në Glasgow ka bërë pjesë të menusë picën “Gold Digger”, që kushton vetëm 6.30 paund, si një ‘shuplakë’ ndaj pjatave të shtrenjta të Salt Bae.
“Ne po eksperimentojmë me arin në ushqim dhe pije”, shpjegoi Gareth Slack, menaxheri i Nonna Said.
“Kryekuzhinieri ynë krijoi picën e cila është një margherita por ka fletë ari 24 karatësh dhe pluhur ari në kore”.
Ai shtoi se Salt Bae është i ftuar të provojë picën e tij falas edhe pse stafi i tij ka paguar të hante një vakt në restorantin e Salt Bae.
Nuk është hera e parë që një restorant frymëzohet nga Salt Bae.
Një pronar me restorante në Durham dhe Sunderland kohët e fundit krijoi receta me biftekë të mbuluar me ar 24 karatësh por më lirë.
“Doja të tregoja se bifteku i mbuluar me ar mund të bëhej më lirë dhe më mirë”, tha John Stirk.
Burimi: The Independent. Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
